ԵՊՀ արեստակցական կազմակերպության բարձրագույն մարմինը համաժողովն է, որը հրավիրվում է ոչ ուշ, քան հինգ տարին մեկ անգամ: Համաժողովի ներկայացուցչական կազմը և պատվիրակների ընտրության կարգը հաստատում է արհկոմիտեն: Բացառիկ դեպքերում արհկոմիտեի որոշմամբ կարող է հրավիրվել նաև արտահերթ համաժողով:
Համաժողովը լսում է և քննարկում հաշվետու ժամանակահատվածում արհկոմիտեի և վերստուգիչ հանձնաժողովի հաշվետվությունները, հաստատում կազմակերպության կանոնադրությունը (իրականացնում լրացումներ և փոփոխություններ), հաստատում արհկոմիտեի գործունեության ծրագիրը, ի գիտություն է ընդունում կազմակերպության կառուցվածքային ստորաբաժանումների կողմից պատվիրակած ներկայացուցիչներով արհկոմիտեի կազմը, ընդունում այլ որոշումներ, բանաձևեր և հանձնարարականներ, որոնք չեն հակասում ՀՀ օրենքներին և կազմակերպության կանոնադրությանը:

ԵՊՀ արհեստակցական կազմակերպության համաժողովների միջև ընկած ժամանակահատվածում կազմակերպության աշխատանքները ղեկավարում է արհկոմիտեն:
Արհկոմիտեն, ընտրում է նախագահ, նախագահի ներկայացմամբ ընտրում է տեղակալ, հաստատում աշխատակազմը և դրույքաչափերը: Յուրաքանչյուր տարվա վերջում լսում և քննարկում արհկոմիտեի ֆինանսական հաշվետվությունը, հաստատում հաջորդ տարվա ֆինանսական հնարավոր մուտքերը և բյուջեի ծրագրային ուղղվածություններն ու ծավալները:

ԵՊՀ արհեստակցական կազմակերպության վերստուգիչ հանձնաժողովը ընտրվում է կազմակերպության համաժողովում հինգ տարի ժամանակով, ինքնուրույն է իր գործունեություններում, ղեկավարվում է ՀՀ օրենքներով, արհեստակցական կազմակերպության կանոնադրությամբ և հաշվետու է համաժողովին:
Վերստուգիչ հանձնաժողովը վերահսկում է կազմակերպության ֆինանասական գործունեությունը, արհմիութենական բյուջեի մուտքերը և ծախսերը, հաշվապահական, ֆինանսական և վիճակագրական հաշվետվությունների ճշտությունը և անհարժեշտության դեպքում իր նկատառումները գրավոր ներկայացնում արհկոմիտե:

Հիմք ընդունելով արհկոմիտեի որոշումը, արհկոմիտեի նախագահը տարվա ընթացքում համամասնական սկզբունքով իրականացնում է կոլեկտիվի անդամների հետ առնչվող որոշակի սոցիալական ծրագրեր (դրամական օգնություն, առողջության պահպանում, հանգստի կազմակերպում ինչպես և օգնություն` դժբախտ դեպքերի համար): Քննարկում և համապատասխան հանձնարարական տալիս համահամալսարանական ծրագրային միջոցառումների կազմակերպման հարցերին և հատկացնում ֆինանսական անհրաժեշտ միջոցներ:
Նախագահն, ապահովում է կազմակերպության մասնակցությունը համալսարանի ղեկավարման աշխատանքներին (ԵՊՀ խորհրդ, գիտխորհրդ, ռեկտորատ), ինչպես նաև բուհերի արհեստակցական կազմակերպությունների միության խորհրդի և նախագահության աշխատանքներին:

Հանձնախմբերը արհկոմիտեում ձևավորվում են ըստ անհրաժեշտության: Այն կարող է լինել առանձին կամ ռեկտորատի հետ համատեղ:
Հանձնախմբեր ստեղծվել է համալսարանի կոլեկտիվ պայմանագրի նախագծի մշակման համար, հանրակացարանում ժամանակավոր բնակության իրավունքով հատկացված բնակ տարածքների օգտագործման իրավական կարգի հսկողության համար, աշխատանքի պաշտպանության և անվտանգության տեխնիկայի հսկողության համար և այլն:

Համալսարանի արհեստակցական կազմակերպությանը անդամակցում են 32 աշխատանքային կոլեկտիվներ, այդ թվում` 21 ֆակուլտետներ, 10 ստորաբաժանումներ և Իջևանի մասնաճյուղը` թվով շուրջ 4000 աշխատակիցների:
Կազմակերպության կառուցվածքային ստորաբաժանման բարձրագույն մարմինը կոլեկտիվի ժողովն է, որը հրավիրվում է ըստ անհարժեշտության, բայց ոչ ուշ, քան հինգ տարին մեկ անգամ: Ժողովների միջև ընկած ժամանակահատվածում կառուցվածքային ստորաբաժանման արհմիութենական գործունեությունը իրականացնում է ժողովի կողմից ընտրված արհբյուրոն և արհբյուրոյի կողմից ընտրված նախագահը: